من طرف لو
لو احببتم الرحيل,,,
انا سأبقى ,,,
لو ...كنت لكم مجرد صديقة عابرة ,,,
انتم لي اصدقاء مغروسون في قلبي ,,,
لو رحلتم لن ترحل مكانتكم من قلبي ,,,
لو كنت معكم فظه احياناً فهذا من غلاكم!!
! لا تستغربوا هذا... فكل شيءٍ عندي يصدر بالمقلوب..
لو كنت انا او اخوتي نسجل حضورنا بأحيان ونغيب بأحيان ,,,
فاعلموا بانكم كل حين تبقون اخوة لنا ,,,,
والله انها ليست مجاملة ولا تصحيح لوضع معين ....
انما هي الحقيقة ,,,
لو كنتم تتسلون هنا ..فأنا اعيش هنا ..
ليكم هااد المنتدى كان شي مميز بحياتي
وحتى كان وبعده جزء من حياتي
اذا كان هو بالنسبة الكم متل شو ؟؟؟ شو بدي احكي !!
يعني متل كأنه "ذبانة" وقت بتزعجكم بتبعدوها
فاعرفوا انكم حتكونوا من هاللحظة هيك بالنسبة الي
ياما استنيت دخول بعضكم وياما انتظرت ردود بعضكم
وياما فرحت بدخول احدكم...هالمنتدى غير والكل كان بيحكي هالشي من البداية
وعلاقتنا مش مجرد علاقة اعضاء بأي منتدى....او على الاقل هي مش هيك عندي
كتير حبيتكم وبكل انواع الحب كأخوة وكأصدقاء وبتمنى ما تكونوا العكس
.................
اعتقد انه علاء مسبب مشكلة هاليومين ؟!!!
ما بعرف ليش انا حاسه انه هو علاء السبب لكن هو هيك اعتقادي
خلينا نحلها عالمكشوف كل الاعضاء هون اخوة بنعرف بعضنا من فترة مو قليلة يعني ما فيها مشكلة لو تصارحنا هيك على الهوا
........
انا حاسة بدوافع واضحة بالنسبة الي انه علاء السبب ...وهي:
....
دانة علاقتها رائعة مع الجميع باستثناء طوشة صغيره مع راشد
بأحد الايام وانتهت ,...
سندس علاقتها ممتازة مع الجميع ....طبعاً مع الاحتفاظ بجزء من العدائية للأولاد هه
انا ما في بيني وبين اي حدى شي باستثناء مهارة عالية بـــ توجيع راس فادي
نانا ....كانت مع هديل وسندس احلى ثلاثي ...غابت عن المنتدى لفترة لكنها رجعت
متل اول واحسن ....وما اذكر انه بينها وبين اي حدى اي شي...
محمد + عمران + لارا احذفوهم من القائمة .....
مين ضل ؟؟؟؟
عبد العزيز "البرنس"طردناه من المنتدى مليون مرة وبالاخير رجع انسان عزيز علينا واخ رائع
بنرحب فيه بينا ...
بيدخل بين فترة والتانية بيهدينا مليون موضوع بالقسم العام وبيطلع
ما اتوقع انه في عنده مشكلة .....
حنان اخت سندس ...متل اختها خفيفة ولطيفة ^_^
نشمي جديد وشكله حيضيف نكهة خاصة للمنتدى والمشكلة بدت قبل دخوله ونفس الموضوع مع لمار...
جنين ..حبيبتي وما اتوقع انها في صدد المشاكل مع حدى!!
وما عاد دخلت هي التانية ....
ميييييين ضلللللل
آه نجود امورة وشطورة ههههه اكبر وحدة فينا وبشعر انها مصلح اجتماعي
مو مخرب اجتماعي لهيك المشكلة مو منها ولا عندها
لهيك رح بشرح هلأ المشكلة
آه المشكلة موجهة من حدىىىىىىىىىىىى مجهوووووووول
باتجاه
ايكر + هديل + امير + اخو هديل + صحاب فادي+صحاب ايكر هههه +بس ...هيك اتوقع
يعني المشكلة موجهة لاهل غزة باختصار
علاء مدير كان نشيط في بدية المنتدى
غير نشيط من فترة مو قليلة
السبب معروف للي لازم يعرفوا .....
للتوضيح علاء رجع يدخل لكن انا ما حبيت رجعته
لأكون صريحة معكم وانا عطول كنت صريحة مع الكل و والله ما بذكر اني بيوم جاملت او خدعت
المهم
احكيلكم ليش كرهت رجعته
لانه انا كنت بدردش مع السيد محمد اخوي هداك اليوم وبفكر بسبب المشكلة ...آه هو انا نسيت احكيلكم انكم بتشغلوا بالنا ومو مزح وعنجد ومو مجاملة
....
ومحمد ترجم القصة عكيفه وقال لعلاء ايكر زعلان يا عاصم او علاء يعني نفس النتيجة .....
عاصم صار يدخل على شان حبه الكم ومو كلام على الفاضي ....هو بيدخل من الموبايل من محل ابي يلي بيشتغل فيه برغم انه بصراحة وعلى المكشوف النت غااااالي عالتلفون وهالشي بيحصل دون علم سيادة رئيس جمهورية الدار بابا...
هاد اول سبب خلاني ما احب انه يرجع
تاني سبب ما بحب انه يرجع علاء ويبين انه عم يترجى حدى ليرضى وعلاء ما غلط اصلاً لهيك ما حبيت....
تالت سبب انه ما حدى احترم رجعته ورجع معه .....
وللمعلوماتية بس... علاء بالفيس دائما متواجد لانه عنا خدمة مجانية للفيس بالموبايل ....
فيلي بيحب يتفضل...
لــــــو كان علاء هو السبب اعتقد الموضوع انتهى عند هيك ...
لــــــو الموضوع مني فاحكولي ...لاصلحة
لــــــو من اي حدى التمس لأخيك سبعين عذراً
عندما نصبح اسرى لمنتدى شراع الصداقة
كان هاد موضوع سنوية المنتدى لأهل غزة الاحباب
اعتقد انه ما تم الافراج عنكم لحد الآن ....
موضوع ايكر مبارح في قسم الشكاوي والاقتراحات كان في الليل
ووقتها كنت عند جدتي
و الله كنت عم فكر وانا هناك فيكم
وكنت عم فكر ببالي انه معقول هيك ببساطة زعلوا وراحوا انا لو زعلت لأطعميكم قتله وافرجيم نجوم الضهر واصارحكم بالاسباب وبس,,,,
ورح اضل موجودة متل هلأ واكتر عادي يعني متل لما بزعل بالبيت بزعل وبنقهر بس ما بسافر وبترك اخواني لاني زعلت !!!!!
مرة سألت فادي معقول سهل ينترك المنتدى حكالي انه عحسب نفسية الشخص
ازا هيك نفسيتكم ما بدي تكونوا اصدقائي بدي اصدقاء متل يلي يعني متلكم
متلكم "بتصوري" ما بينسونا بسهولة هيك بدون تبرير
المهم بنفس الوقت ايكر عمل موضوع بمعنى انه انتم كمان عم تفكروا
وما نسيتونا
ويعني في مجال لحل المشكلة.....وهلأ بعد ما تقرأوا كلامي اتمنى تكتبوا انكم ما عدتوا زعلانين
او على الاقل انكم حتكملوا هاي هالحياة ونحنى على طول اخوة واصدقاء انتو من غزة
ونحنى من جرش وح نضل من هالمدينتين البعاد عن بعض سوااا
سوا بمعنى الكلمة
وبس ما بقي عندي كلام
تكلمت معكم متل ما بفكر قاعدة بالزبط
بالزبط بالزبط بالزبط يعني بكتب وانا بفكر
ما جاملت ولا شي ......
وسلام
